Våren 2021 undersøkte 68 lokalaviser og NRK korleis flyttestraumar sakte endrar landet vårt. «Den store folkevandringa» var eit samarbeid mellom Landslaget for lokalaviser (LLA), Senter for undersøkende journalistikk (SUJO) og NRK, og er det største journalistiske samarbeidsprosjektet så langt i Noreg. På Skup vil dei fortele korleis dei fekk til å publisere over 600 saker basert på felles research, og kva dei lærte av å samarbeide om undersøkande journalistikk.
Per Christian Magnus er leiar ved Senter for undersøkende journalistikk (SUJO) ved Universitetet i Bergen. Han har arbeidd som journalist og dokumentarfilmskapar dei siste 30 åra, både i TV2 og NRK, og har produsert ei rekkje prisvinnande dokumentarfilmar.
Øystein Øygarden er frå Åsgrend i Kviteseid. Har arbeidd i Vest-Telemark blad sidan 2003, og vore redaktør sidan 2014. Han er styreleiar i Landslaget for lokalaviser.
